منتدى سحايب أدبية

منتدى سحايب أدبية (http://www.s7aib.ae/index.php)
-   سحايب الشعر الشعبي (http://www.s7aib.ae/forumdisplay.php?f=35)
-   -   الأخت (http://www.s7aib.ae/showthread.php?t=15458)

مساعد بن هادي 04-04-2019 04:28 AM

الأخت
 
الأخت
..........

البارحه شاهدت شي غير الحال
واحد تجيه أخته لحاجة تباها

ويهينها ويسبها فوق الاذلال
وهي تشوفه كل حاجه معاها

تبكي من اذلاله وهو رايق البال
كنه يحس براحته في بكاها

جعله فدا دمعا على خدها سال
واللي يذل أخته حياته فداها

ما يدري انه عندها العز والمال
وان شوفته عن كل حاجه غناها

وتفتخر انه لاولادها خال
وفي نفسها أقرب لها من ضناها

الأخت عز وشيمه لكل رجال
قيمته والشيمه مع مستواها

انه رفعها فوق ياحي ذا الفال
وان حطها في القاع داسه حذاها

في ذا الشنب ماكان اغثي لها بال
ولا كان اسوي شي وهو في غثاها

والله لو هي تنطرح بين الاسبال
ماكان عيني تشتكي من قذاها

كرامتي وأختي على الرأس دسمال
الموت احسن من حياتي بلاها

مساعد ابن هادي الحارثي
27/3/2019م

نادية المرزوقي 04-12-2019 12:36 AM

الرجال بين الناس كثار الرجال
و بعيد عن عين البشر من لقاها؟


اخته و امه و صحبته دوم غربال
نادر رقاها المرجل في سماها

الاخت مشكاة الأخو فكل الأحوال
الي فلح بالنفس و الي وطاها

نفس تقاسمك ان سمت طيب الخصال
و الي خسر نفسه مثيله لقاها

النون

:

دمت بخير و عافية

المسوقة 06-17-2019 07:31 PM

مشكور اخى الفاضل


الساعة الآن 06:56 PM.

Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Search Engine Optimization by vBSEO 3.3.0 (Unregistered)
 
ليس.... مجرد منتدى

This Forum used Arshfny Mod by islam servant